’n Wildervankster wichie
Dat was ais op Veendam
Zai zat moar op ’n badde
Of zachs ’t gelok doar kwam
De vogels kwinkeleerden
En baauwden zuk ’n nust
Hou laank al was vervlogen
Heur rust en kinderlust
Orinoco, turelurelureluut
Orinoco, tureluut

‘n Kreunend örgel speulde
Zien winsteg laifdelaid
’n Koppel kinder danste
En kinde gain verdrait
Moar zai zat stokallenneg
Aan wale van ’t oll’daip
En vuilde hou ’n troantje
Bielangs heur wangen laip
Orinoco, turelurelureluut
Orinoco, tureluut

’n Schipper van de Zuwenden
Dij voarde net veurbie
Hai deunde bie zien helmstok
’n Zuvere melodie
Zai dee heur aarms wied-open
Hai vloog heur in de muit
Dou vuilden zai heur jonkhaaid
Dij as ’n vledder bluit
Orinoco, turelurelureluut
Orinoco, tureluut

Veendammer börgervoader
Dij het heur cito traauwd
Nou voaren zai twijbaaident
En ’t het heur nooit beraauwd
Woar of heur schip ook touhòldt
Op ’t laist is heur Veendam
Doar ston veur ’t eerst heur haart ja
In vuur en volle vlam
Orinoco, turelurelureluut
Orinoco, tureluut

Tekst: T.W.R. de Haan / melodie: M-C Moerdijk