Op de ronde toafel en een zeiltien fris
Stiet de koffiekanne, die vaok arfstuk is
Met zien dik rond boekkien en zien keup'ren test
Hef 'e al seins jaoren Drenthes pronkstuk west
Hef 'e al seins jaoren Drenthes pronkstuk west

Als een dik old wieffien, in zien bloempjesjak
Gef 'e met gepruttel ieder zien gerak
't Lop hom wel ies over, maor dat komp weer goed
Omdat 'n Dreins bakkien elkien deugde doet
Omdat 'n Dreins bakkien elkien deugde doet

En bij donkeraovend, as het herdvuur braandt
Loopt de koffiekoppen vol tot an de raand
Wat de aovondpraoters dan ook zegt of doet
Alles kompt oet 't diepe van een vol gemoed
Alles kompt oet 't diepe van een vol gemoed

Oeze Dreinse vrouwlu, het is zeker waor
Hebt veur goeie vrienden gauw de koffie klaor
Schoeft maor bij de taofel, holdt de boel maor reur
Laot de kraan maor lopen, 't giet d'r dunne deur
Laot de kraan maor lopen, 't giet d'r dunne deur